فلاح خذ خطي معك بالأمانه=انه في ايدك لحين تعطيه راعيه
محمد بن سعود حسب ابمكانه=عليك حيث انك تحبه وتغليه
سلم سلام في حماس واتكانه=والذرب مثلك ما يبي من يوصيه
عطه الكاتب ثم خلك اوزانه=السر منك اوفيه لياك تفشيه
قله تري علي ابو ماجد ارهانه=رجل يجوز انك تبيعه وتشريه
ان قال سنه..؟قل ابسن الرزانه=قلبه رفيعات امتان كراسيه
وان قال صدره..؟قل وسيع ابطانه=ما يزعل الاّ من زعل من ايحاكيه
وان قال سره..؟ قل عدو الخيانه=مرحوم يا عود عليها امر بيه
وان قال شاعر..؟ قل تصور بيانه=هذي تفاصيله وهذي معانيه
وهو عطاني كلمة من السانه=غيرك بغير قصور ماني مخاويه
هذي اوصوف احصانك مع عنانه=وانت المخير تقضبه او تخليه