لو عاد يا جنح الدجا تمشي الهون=قافيك نور الصبح قوس سبيبه
آمنت بالقدره ومجرى رحا الكون=حكمه الى ما راد شيّ يصيبه
فزيت من علم عن الشك مازون=علم يجيب الفكر ثم اغديبه
لا موهم نفسي ولا عارض دون=ما جا من اللي فوق عينه رقيبه
لا شك ما بالنفس لو كان مكنون=يظهر ولا يلبس من الزور ريبه
يا عين غضي من محاجرك مخزون=هاتيه لو حرق مقاده صبيبه
هاتيه لا يبقا ترى الحق مرهون=لولا شعوري ما طلع من جريبه
على الذي له ما قف منه ممنون=ارثيه واكشف عن خصاله وطيبه
على الذي من ضمن ناس يغارون=الى بدا اللازم يقوم ابنصيبه
ما طاع من قالوا حشا ما يقولون=اهل الهوى ومخمرين الغبيبه
اللي لهم شان بقصده يسيرون=لو ضمنوه اصله شواهم لهيبه
عدّا بحيد ما حجب صوت مصيون=ما جاب صوته دون داره يجيبه
ما جاز بالحجة شريعة وقانون=ايضا ولا عفا عن الرد جيبه
صادم ولازم وانتها الخصم مديون=واعلن لبو ماجد قرار الغليبه
هذي مزايا شاعر بات مدفون=اقفا وخلف بالخلف ما رثيبه
يا ليت لو ما فات ما كان مضمون=عنده ابساعات الفراق القريبه
والاّ فمعهم يوم قاموا يصلون=والاّ على قبره ركزت النصيبه
يا الله عسى بحماك له رحمتك عون=ما غير لطفك جانب يلتجيبه
عزون من ضمن القريبين عزون=لي بالعزا حق بقدر المصيبه