مابي رجوعك كان غيري بياخذك
مني مثل مافات مابي رجوعك

مابي هوى غيري إلى جيت يبعدك
عني وتوقد من دموعي شموعك

يازين من هالحين خل ابتعد عنك
إن كان لك نية تعاود طبوعك

مليت من غدرك ولا ظني آمنك
بديت أعاف اللي مع الناس نوعك

خـــلاص دام الــغــيــر لـه قلب يرهنك
بيده رهينه وأنت معلن خضوعك

أعماك قلبك لا زم الوقت يطعنك
ولا تذكرن لا صار جرحك بطوعك

نهيت قلبي لا يجي لك ويقربك
ولا تنتظر مني أبمسح دموعك

هذا أختيارك والوفاء مني ومنك
منك الجفاء والصد يحرق ضلوعك