حان الفراق وحل بيني وبينك
كثر الخطا قرب مسافات فرقاك

يا ما تحملنا الخطا في سنينك
ويا ما غفرنا زلتك ما عصيناك

ويا ما بكت عيني على شوف عينك
يومك صدوق الود حنا عطيناك

واليوم بعدك تكتبه في يمينك
والقلب صدقني من البعد ينساك

خلك تذوق وتشتكي من حنينك
وتبكي على وقتٍ مضى العام وياك

هنت الغرام وجاك منهو يهينك
من كاس غدره تشرب المر برضاك

لقيت مضنوني ودور ضنينك
اللي يبادلك الخطاء عن خطاياك

ما ظني اسأل كل ما غبت وينك
تغيب ترجع عافت النفس لقياك

ما عدت أنا اللي تملكه في يدينك
دارت على حبك وهجرانك أفلاك