شعراء عنيزة

شعراء عنيزة (http://www.3naizah.net/index.php)
-   جديد شعراء عنيــــزه (http://www.3naizah.net/forumdisplay.php?f=208)
-   -   عسى السحااااااب (http://www.3naizah.net/showthread.php?t=6198)

عيسى العوفي 2008 01:34 AM

عسى السحااااااب
 
مهما نقول باهل الوفا نجد ان الكلام
لايوفيهم ولوجزء من حقهم.
ويقف اللسان عاجز عن التعبير؟؟؟


عسى السحاب اللي ركود بممشاه=اللي بدا من يمة الغرب ناشي
جعله على نجد العذيه نثر ماه=وتروى الفياض اللي منول اعطاشي
احب نجد وكل حيا ومرباه=في ودها ماقبل كلام ونقاشي
احبها من قلب والشاهد الله=ولالي ورى ماقلت كسب ومعاشي
وكل الوطن غالي وبالعمرنفداه=اما حمينا الدار والابلاشي
والموت حق وكل حي بيلقاه=ولافيه حي يابيض الوجه عاشي
لابد من يوم يواري لمثواه=تحت الثرى من بعد زين الفراشي
اهل المناصب واهل الاموال والجاه=تجردوا منها بقطعة اقماشي
صالوا وجالوا وانتهى العمروانهاه=مفرّق الخلان والكل ماشي
وياسعد منهو جنة الخلد ماواه=انا اشهد انه للمكاسيب حاشي
لله دره فاز في حب مولاه=كسب الثمينه مانزل للهشاشي
القاف ينحاني على الصعب وانحاه=بيني وبين القاف فيه اهتواشي
وارجع وعيد القاف من حيث مبداه=حتى يعود ويزدهر بنتعاشي
من شان اقول اللي من اجله نظمناه=اللي من اجله هاض فكري وطاشي
اللي غمرني بالوفا ماتنساه=اقولها من قلب ماني مراشي
اللي نصح وخلص عسى الرب يجزاه= ماانغش من عرض القلوب الغشاشي
وقفة شرف تبقى لشخصه وطرياه= مثل القمرمايلتبسها الغطاشي
نفس ابيه مصعد العز ترقاه=بالحق تمشي طبعها ماتخاشي
يالله عسى ماتنقل العوق يمناه=ولالف فيها من ابيض الخام شاشي
يالله تجعل له من النار منجاه=يارب يامنزل صدوق الرشاشي
ويالله تصبرنا على نارفرقاه=وهذا الذي من مقبل الوقت خاشي
=عيسى الرشودي العوفي


الساعة الآن 10:16 AM

Powered by vBulletin V3.8.11. Copyright ©2000 - 2025, Tranz By YsOrI
اصحاب عرب
الحقوق محفوظة لشعراء عنيزة 2004-2024