اناحب ذات العلم واحب ذات الدين=احب النفوس الي مطيعه لواليها
بغض النظرعن من تميزبزود الزين=وذات التقى والزين يالله تحييها
ياحلو الصفات الطيبه تجمع الثنتين= ربح ماخسرمن باغلى الاثمان يشريها
انامنطقي واضح ولاني ببووجهين= انادائم احب السراحه وراعيها
كلامي صريح الصدق خمسين ظرب اثنين=ونفسي عسى ربي على الصدق يهديها
تفضل سؤالك حرفي الجيم وانت السين=اباعطيك موجزللروايه وراويها
وليه التكبر؟ والبشرساسهم من طين=ولعلمك ترى نفس الكبرنقصها فيها
وطبع النفوس الراقيه تتصف باللين= هواها رفيع وترتقي في معاليها
بعيد النظرماهوقصير النظرياحسين=ولا للقضيه غيرمقال قاضيها
=عيسى العوفي