قلبي بمرقاب الهوى لعبت به=ريح الولع قلب العني شبت به
خمس وتسع سنين اسهر عيني=وحلو الكري عيني بعد ماجت به
ان قلت له ياعيني خلي ذا السهر=سجي بذا الدنيا علي ماجت به
اغرورقت بالدمع لجل الغالي=اللي دعي روحي وهي لبت به
مانيب لايمها علي سفح الدموع =وقت قضي ليل العني هلت به
احبها حب الغرام العذري=واحب بيت ضمها وحلت به
واحب من حوله ومن حوله سكن=واحب يوم جابها وولدت به
واحب حي جابها وارضعها=واحب ثوب صاحت ومهدت به
تدري بشوقي له ولاشي خفي=اخفيت شوقي له وهي دريت به
وذي عاده الاشراف يخفون الهوي =لو كان عزا الروح مافرحت به
افرح الي مني ذكرته بالوطن=واليوم قلبي من هموم جت به
هذا وانا راضي بقسة خالقي=رب رحوم والملا لاجت به
يعلم خفايا خافق وسط الحشي =يبي المطير لولاالضلوع صكت به
ابطيت ماعاينت زول الغاليه=ونصيت حيه والرجل حارت به
وقفت عند الباب والحس اختفي=والبيت خالي ماتقل داجت به
عضيت روس اناملي بنيابي=واجراس هاجوسي جت ورنت به
مع وقفتي جاني غرير يافع=له قلت وين اللي نبي راحت به
لي قال خبرك من قديم يافتي =شدت ولا ادري وين هي حلت به
شديت عزمي لجل ادور بالوطن =وبديت في حي لها وجدت به
وجيت المطار والصالحيه والظبط=وجيت الصفا والقاع ماذكرت به
والسلسله مع الضليعه وشرقها= وانقطعت الاخبار ماهبت به
ومريت بسوق الملاح ودجتها =واوهام قلبي بالبلد طافت به
والاشرفيه والشفاء وارض الهداء=اسوق رجلي له ولو تاهت به
ونزلت للنزهه وجيت الفيحاء=والسر عزالنفس مابحت به
ورجعت مفلس ماحد خبر به=قلت الله اقوي وين هي هفت به
هزت بي الدنيا وزلزل خاطري=قلب الشقي كل الفضاء ضاقت به
ماغير اسومل والنقوص بحالي=وسدي خفي والناس مادريت به
بأسباب ظبي له محل بضامري=وبيبان حظي مابعد فتحت به
حوريه نصف الجمال بقدها=مصيونة ماواحد حيت به
سري بشريان الجسد مني غلاه=واهل الحسد والواش مافكرت به
ممشوقة القد الدقيق بحسنها =بنات حواء زينها ماجت به
حبيتها وأشقيت فيها روحي=عمهوجة درب الشرف داجت به
حبيتها والحب لي معها حلال=وقلبي لها المرعي وهي رعت به
ان جيت اوصفها ظلمت اوصافها=من كل رنق رايق راقت به
مانيب عنها قاطع حبل الرجي=لو طالت الايام لمي جت به
صلوا علي المختار ماوبل همل=واعداد مادهم السحب شنت به