والله مـاروح الـواحـدٍ مادعـانـي=لوهو علي ألزم مـن الجفـن للعيـن
لوكـان يبغـى جيتـي مانسـانـي=ينـدل عنوانـي ولاهـوب غاويـن
ماني ضعيف النفس رخـو الاذانـي=لازامـيٍ مـرِّه ولا مزعلـه شـيـن
يفـرح الـى دنّـوا كبـار الصيانـي=مخابط ايـده فوقهـا خبـط بكليـن
واليا انتفخ ثربـه وضـاق البطانـي=دلاّ يلحـن جِـرّة الــذل تلحـيـن
أبـوي علمنـي خـيـار المعـانـي=قدام يرحـل مـن حياتـي موصيـن
عساه يسكن فـي فسيـح الجنانـي=بين النهر والروض والحور والعيـن
وتربى حسناتـه جـزاء مـا ربانـي=عودٍ علـى درب المراجـل مضريـن
يقـول نفسـك عـزّهـا لاتهـانـي=وحـذراك لا تتلـي ركـاب المقفيـن
وخلك لمن صافـاك مقـود حصانـي=الى مشاء لك باع فامش اله باعيـن
والمنتحي لو هـو بالاقـراب دانـي=خله عليك أبعد من السنـد والصيـن
وانا حفظت اوصيتـه فـي زمانـي=خليتهـا نبراسـي الـلـي يقـديـن
أطعِـم حلاوتهـا بـراس اللسانـي=ألـذ مـن زيتونـة الطـور سينيـن
الله ضمـن رزق البنـادم ضمـانـي=والعمـر محـدودٍ بساعـه وتقنيـن
وغيره على ويش الضعف والهواني ؟=يامهتّليـن انفوسكـم فكـروا زيـن
الـذل مـا يرقيـك روس المبـانـي=والعز له ريش وسبـوق وجناحيـن