غزال من غزيرالزين حسن يوسف لها حافل=تميزعن جميع البيض وبدرة بالدجي لالا
حلاياهاعن اوصاف الغواني قدها الطايل=زعيمة من تزعم بالهوى لازم يقول اهلا
رمتني يوم لدت بي بعين سهمها قاتل =ومن ياقع بحوزتها محال انه يبي يسلا
خذت قلبي بتغزاله وسلبه جيده الماثل=لها قد كما غصن من البردي الي دلا
تصيد به قلوب الناس من جاهل ومن عاقل=يذوق الموت من صابنه عيون لها شهلا
بكيت وقلت يالمحبوب دمع العين لك سايل=جرحت القلب وادميته ونار الوجد لي تصلا
عجب والله ماتدري عن اللي منك لي حاصل=نسيت الخلق من شانك وكاس الموت لي يملا
ولدت بي وقالت لي عسي تبرا من الذابل =بشربة ماء جبا لله دوي منا لكم نهلا
سقتني صرف مخلوط بسم افعي وانا جاهل=عهد منها تخادعني ولا ادري عن مكر ذولا
تحايلني تبي قتلي وانا عن حيلته غافل=تخطفني برمح الموت برمش عيونه النجلا
وقلت الروح قالت لي جزي ماصار تستاهل=تجي في حينا تلعب تحسب انك تبي تملا
تنزح لاتجي درب الخطر واللي تبي فاشل=كثير اللي طرقه اللي طرق قيس علي ليلا
وقلت ارحم مريض الحال جسمي بالهوى ناحل =اشيل الموت بكفوفي وموتي من جفاك اغلا
كثير الناس لجل الشوق ذا طالع و ذانازل=وذا يشرب من الصافي وذا عطشان من لالا
تري والله لولا الله واخشي قولة القايل=واداري عن كلام الناس وكلمه لو او لولا
الي عسعس بهيم الليل لاسري والعمر زايل =واطفي لاهب بالصدر قبل العمر لايبلا