ياضيق صدري وياوسعه علي حبك=وياشين طبعك علي منه تلوابك
أقسمت باللي خلق زولك وكونبك=مفاتن الحسن اني مقدر اغيابك
مانيب غرير علي ذا الحال اجربك=هذا نصيبي من الله يوم لي جابك
شكيت لك حالتي ماخفت من ربك=وارهقتني الحال مع ثالث جمعنابك
هجراس ليلي أغربك وأشرقبك=وضاقت علي الوسيعه كلها اسبابك
ان حل طاريك بفكاري أرحبك=واهدي افواد مليوع تبلوابك
ماشوف لي ذنب عن وصلي يغيبك=الا ردا حظي المتعوس هلابك
والله لولا الحيا لسري وغربك=علي براق الهوى وقطع احجابك
أنهبك الي ناموا اهلك وتصرفبك=وغيبك عن عيون البيت واقرابك
اعلاج ماصابني عندك ومن طبك=واشفاي رشفات معسول من اعذابك
مغليك واغليك واعلي منه احبك=واغلي هلا السوق وكل حي تعزوابك
عيني لعينك رهينه يوم اشبهربك = وانا سجين لخد يشكي اهدابك
مشكات نور علي الوجنه توهجبك=وخاتم سليمان بين خدود يزهابك
انا دخيل الجمال اللي تركزبك=والعسجد اللي زها بالكف واخفضابك
بدريه الصبح ناوى لي واناأشربك=كاس من المرمدهوق من اكوابك
الي متي ابليس والخناس يلعبك=وانانهاري طرد ليلي علي احسابك
لو ضاع عمري عليك الله معاذربك=لوان دمي يصدر ضامي اركابك
كم قلت للعين صدي لاتفردبك=يلين صم الحجر مالانو ااصحابك
مستورة البيت وماواحد تحرش بك=مع عجه العشق ماكلن تهقوابك
يحول يحول مجروح توهقبك=وانت طعنتيه في مسمومه احرابك
عساي ماصير مجنونك واشهربك=ان خف عقلي عليك اخاف يدرابك
يطويني الليل اقصدبك واهوجس بك=افراش الارض وتوسد عتب بابك
الا الي لي صفا وقتي وعرجبك=فانتي طبيب لمجروح تداوابك