عذراً يا شعري شبت والعذرا شباب=هذي قوانين الحياه الزايله
من قبل هذا العام لو تخطي صواب!=والحين عدّلت الامور المايله
لا تعتقد ذخرك على كلمة عتاب=بتزيد قدر الرجل في خصايله
قلها ولا تحسب بعيد ولا قراب=افضل ولا حملٍ وصدرك شايله
والنفس لا عدّت مراحل الاكتئاب=مسنّده للضيق بعض الراي له
الله واكبر يا قصيدي ما تهاب=غير الله اللي صرت من فضايله
جيتك ابحكي لك حكايات المهاب=اللي سرق بعض العرب بالقايله
من كلمة المنصب خذا بعض النصاب=ومن الادارة دار في فعايله
ما جيت اذمّه جيت بوصف لك خراب=ولاّ الفساد بكل ديره طايله
زرع بنا عذروب كنّه ما يعاب=هذي فعول العالم المتحايله
وليا رزقنا الله يحاسبنا حساب=يظنّ بارزاق العباد مكايله
شوّه ادارتنا وخلاّها كتاب=عنوانه "المنافق ووسايله"
سياسته فرّق تسد واسلوب غاب=ياكل لحوم الناس لو سلايله
حسبي عليه الوعد في يوم الحساب=ان كان ما تعدّلت عمايله
فان كان ماله بالعلوّ وبالخطاب=فلا يجيب اسمي ولا اسم العايله