يامْسّفِهٍ صادِق شِعُوري على ويـش=عـزّالله إنِـكْ ماتَعـرف المحـبـه
جِيتِكْ بِقلبٍ ما وِطِي بـه ولا نِيـش=أرضه بِكِـر مافيـه مخلـوق طبـه
عَدّا سِنين الجهل وِمراهَـقَ الطيـش=امرتّـبٍ ترتيـب . قلبـك يحـبـه
وفتحت لِكْ بابه وهويـت للشيـش=وِزْدَانت أجوائِـه وِنَسنـس مهبـه
لكن على غير النِقَاء مايِجِي عيـش=لـو مَنْهِلِـه طَيِّـب ومَنْقِّـيّ حبـه
ياغاليـه كِـذا تِوَطّينـهـا لـيـش=لَبّـى الفـؤاد اللـي جرحتيـه لبـه
حتى الكلام اللي يجينـي تلاطيـش=اللـي علـى بالـك يِطَـرِّي تِكبـه
أنا حمـد مانيـب خِمْـعٍ ولا دِيـش=عَقْلـي مِكَفّينـي ولانـي امْسَـبَـه
في حال غيـثٍ للكبـود المعاطيـش=وبحـال علّـه بالنحـر مِشْـرَإبـه
أناوِش اللـي يِسْتِحـق التناويـش=واعَرِّفْ اللي ماعَـرَفْ شِغْـل ربـه
ماهي غَصَيبه ياخَضِيـب النقاريـش=إن كـان مـا لاق الشِبـه لَلْمشَبـه
الأنفس إجنود وعساكر كما الجيـش=وِلْف ونفـور وكـلّ جـرحٍ وِطبـه
دَرْبك خضر من مرزمات المراهيـش=تِسقيه صبح وليـل واطـراف غِبـه
رُوحِي وعِيشي في سعاده وانا اعيش=القلـب داعـي لِـك ويرعـاك لُبـه