يا لله يا لله طلبتك لا تصغرني==بعيون خلقك ما دام الروح مرهونه
سترك و عفوك ما دام الثوب ساترني==يا واحد جــل سبحــانه عــلى كـونه
و الله و الله ما اصل من تحاقرني==لو يقطع الراس من منشـاه بـمـتـونه
ما يدري انه بضحك السن قاهرني==عيني تشوف البلى و الغيض بعيونه
لا جات عيني بعينه ما يناظرني==لا بوه لابو سـلامـه جـزت من دونه
عرفه معي طافي الشره وخابرني==لو كان ثوبه طويل و يسحـب ردونه
لو تبدي اللازمه عنده تعذرني==عســاي ما جـيـه و انـتم ما تـمـرونه
المدح لاهله وانا ماهوب عاسرني==لكـن تـرى الـمـدح للـي يسـتـحـقــونه
الي يبى المدح ما يقعد يشاورني==يقدح بزنده و نــاره فــوق غلــيــونه
لو وافق اليوم بكره ما يعبرني==يرجع على وضعه الماضي و مضمونه
امدح طليق الذراع الي يقدرني==لو كنت غايب مقـامـي ما يـنـوشـونه
قرم علوم النشاما فيه تجبرني==آصله لو هو بعـيـد الـروح مـمـنـونه
قولة هلا من ضميره ما يسايرني==مغروس فيه الوفى كلش عـلـى لونه
قرم سواة ابو سيف ان غبت يذكرني==امـــا يـــجـي عانـيـن ولا تــلـفــونه
فيه الكرم و الصخا علم يحيرني==ما تكل يــمـنـاه ولا جــف ماعــونه
سيل تعدى على مجراه باهرني==نون صدوق و قامت تردف مزونه
من مثل ابو سيف بالله من يذكرني==و الله ما اذكر شبيهن له تقولــونه