ثابت تحت شبّاك همّ المواعيد=ثوبي جديد وكلّ حاجه قديمه
انا ... وعادة جيّتي .. والتناهيد=ودمعات عيني .. والجروح العظيمه
وقلبي .. وحزني .. والحظوظ المقاريد=وعظامي المتكسّرات المهيمه
وتوقيفة الموتر على طارف السيد=حسب خطوط الشارع المستقيمه
وشريط كل ما ينتهي يرجع يْعيد=ياهو نديم مسجّلي .. يا خصيمه
جينا نبارك لك على فرحة العيد=ونرجع نجرّ اذيال مرّ الهزيمه
ليت رمضان يكون شهرين ويزيد=فترة .. اعيش فراقنا في حشيمه!
الله واكبر يالاحاسيس في الايد=احسّ كل اطراف جسمي سقيمه!
كل عيد عقب الفجر لين التشاهيد=تمرّني اشياء ( ماهي سليمه )!!
افكار! تبريرات! اعذار! تنديد!=احلام ( صحوي ) - غير - والنفس نيمه!
يا غايتي ماللشبابيك تهديد=غير الطيور الزايرات العقيمه
لا صوتها يجذب ولا فيه تغريد=ولا هي تطمّن خاطري عن نعيمه
والحبّ حريّه واذا صار به قيد=فرقاك قيّد بي مشاعر اليمه!
امّي تقول الغيد وش كثرهم غيد=واقول بعدك ليت بالغيد قيمه!!
شوفيني موقّف على طارف السيد=ابكي ثلاثيني وروحي عديمه