شعراء عنيزة - آخـــر العشـــاق

(آخر العشــاق )

في صدرك براد الشوق
ولا تــــدري متى تدفــــــى
كأنك والشــــــــتاء خــــلان
وليل الهجـــــر لك منفـــى
وذا بحــرك مـدى ممــــدود
بلا شـــــاطيء ولا مرفــــى
متى يا موجــــي الثـــــاير
متى تهــــدا..متى تصــفى؟
متى بالرمـــل تغـرس كـفّ
وتلقـــى للقـــــدم ملفــــى
وتكفى........
لو ســمعت الصـوت
ترد الصــــوت لي تكفــــى.

وجـيتك مع زوال الشــــــمس
وأشوفك جــــــالسٍ كــالأمـس
وهمس القلب لو حــــــاكــاك
تلعثم باللســــــان الهــمـــس
واتســــــائل عـن الأحـــــوال
وكم انســـــان بك ما حـــــسّ
يا صـوت الريح والأعصــــــار
وزلزال الغضــــــب بالنـفــس
وكم نجهــــــــل وكم يخفـــى
وكــم ننشـــــــد عن الأوفـــى
وكم محـــزون بليــــل عيـون
وكم ملـــــتاع ما يشــــــــفـى
وتكفــى...
لو ســـمعت الصــوت
ترد الصــــوت لي تكـــفـــــــى .

ســــقى الله صـــابرٍ صــــبرك
وصدى مـــــوال في صـــــدرك
ســــكون البـــال يكــــتب لي
قصـــــــايد تقــطــر بحــــــبرك
يا آخـر آخــر العشـــــــــــــاق
على ضـــيم الهـــــوى صبرك
على صـــــــفحة ضـــياء براق
حظــــيت بلمعـــه من بدرك
ســمعتك من ألـف للفـــــــــاء
ولو تهـــــجــــر ولو تجفــــــى
بعـــــذرك يا أصيل الشــــــوق
لو شــــــمع الهـــــــــوى يطفى
وتكفـــى ..
لو سمعت الصـــوت
ترد الصــــوت لي تكفــــــــى.