شعراء عنيزة - ســـبعة أنغــــــــام

لحن الأوهام ...!

ودي اغـــــنّي ليلــــــــتي واترنــــــــم
وابث لحـــن الروح في سـبعــة انغـــام
لي خـــاطرٍ بين الحنـــــايا تظــــــــــلم
يضـــيق به صـدري واداريـه من عـــام
من كلمــةٍ بالقلب حــارت عـــلى الفـم
او صـــرخـةٍ بالجـــوف تزلــزل آكــــام
بفرد جنـــــاح البـــوح واشد معصم
واشــيل وجــــد البحر بعيــــون نهـّـــام
كل المـــــواني خـــــايفــاتٍ من اليم
والبحر فاض وماج وانهـارت احــــلام
نخــفـي ونبدي ذكـــــــرياتٍ تبســــم
ونعود للمـعــهود من ســالف اعـــوام
يسهر شقي العين يكــــــتب و يرسم
على جــــدار اللــيــــــــل موال رســــام
دام الليــــالي من وهـــمنا توهـــــــم
معــذورمن يسجع على لحن الاوهــــام
هي حــــــــالة الــــدنيا قـــلوب تــألم
وتشـــــرع فياض الروح لجروح وآلام
يا من نبـــــت بالصــــــدر ولوّن الدم
مهمـــا طغـــى هالليل فالضــــــي قـدام
لمحت نور الشمـــــس بالليل الاظلم
وفتحت باب الصــــبح واللــــيل ما نـام
ناديت يا ظــلي من واهـــــج الهـــم
ان هامت اهدابك ترى صــاحـبك هـــام
بالبُعـــد جــــفّ الصوت والله يعــلم
ناديتك بصــمتي وغـــنيــت بهيــــــــام.