شعراء عنيزة - باقي الليل

باقي الليل

خــــــلنا نسولف دام لليـــــل بـاقي
وإلا لمحت الفجــر ناد لصــــــلاتك
وإن كـان ضـيمك من حبيبٍ تـلاقي
قلها بصمـــتك من حــــنينك لذاتـك
تضحك وتلعب يا قـــــديم التشاقي
ما كــــننا كنا نســــوي ســـــواتـك
شبيت ضوك راغبٍ باحـــــتراقي
هيضــت قــلبي وانثــنيت بعبـاتـك
وشـربت رشــفه من لذيذ المذاقي
كـــــــن المطر غنى بوادي شفاتك
لولا حـــنيني والولــــه واشتياقي
ما جيت دارك ياغـريب بحـــياتــــك
اهدهدك وارضــيك واطوي وثاقي
واقول يا زيــن الكـــــلام بســـكاتك
واقرأ عـــليك الــورد قبل الفـراقي
واشـــقى بذكرك واتخــــيل سماتك
خل الحنـــــايا للحـــــنايا وفـــاقي
واهديك وردي والعفو عن صفاتك.