شعراء عنيزة - براح الخميله

شمـــال

براح الخميله

مــالت شــمال ومـــال بالراس مـوال
قلت الرحال واســـــرج الليل خــــيلـه
يا صــاحبي ســجعي بذكراك يخــتال
وشــــلون بالك يا بـــراح الخـــميــلــه
نام الكــــلام ونــــــابه القلب رحــــال
يذكر زمـــــــانك والوفــــاء والجميله
يا مهرة تجمــــــــح وتجفــل وتختال
تلعــــــــــــب بشعر الليل وتعقد جديله
وش قيمة الدنيا بلا لحظة وصــــــال
وشـــــوفة بالعــــين تروي العــــليله
ادري بعيـــنك نظرة تشــــــرح الحال
والسهــــــد في سودك وحالك نحيـله
قلت الـوعـــد قـــلتي بالايــــام يحتال
قلت الوله قـــلتي عــــــــيونك دلــيله
الله يجــــيب الخير يا طــــيب الفــال
ياليت لــــي حيله وبيـــــــديك حـيـله
كل يشيل الجرح والجــــــرح تمثال
منحـوت وســــــط القلب بروحٍ قتيله
يا رب عفـــــــوك شاقي القلب جمّال
تخطي خــطاه الدرب صبحه وليـله
وانت العلي المعتلي راحم الحـــــال
من دون عفوك ما لعــــبدك وسـيلة.