شعراء عنيزة - طريد السراب ..

طريد السراب

للهوى والحبــايب راح وقت العجـــــايب
بين حيره وغيره بالعــــيون ارتيــــاب
الله اعلم بحـــــالي كم عشقت التــــرايب
وانتهى بي حنيني في مســـــن الحراب
تدري انك بقــــلبي يا لطـــــيف الـذوايب
حاضــــــرٍ في بعــادك لو يطول الغياب
اذكرك والليـــــالي ظــــاميـاتٍ لهــــــايب
واذكرك نهر شـوقي والمطر والضباب
غنّت العــــين بعدك واشــــغلتني بغــايب
وارسل القلب شوقه مع حمـام السحاب
اتدفى بنـــــــــارك في مهب الهبــــــايب
واتغنّى بطيفــــــك واستطيب العـــتاب
السـمـاء في عيوني صـافيات رحـــايب
اتأمل وجـــودي وانتهي في رحـــــاب
من يحــــبك يحــبّك حبكـــــــته للنصايب
يشغلك عن زمانك طول وقت الشبـــاب
ثم تجــــلس وعمرك في هـــواهم نهايب
حاســرٍ عن مشيبك يا طريد الســـراب
يا الـــهي بجاهــــك يا كـريم الوهـــايب
تجعل النور دربي والهـــــدى والكتاب
واجعل احباب روحي مع ضميري نسايب
في حياتي وموتي وفي جنان الرضاب.