شعراء عنيزة - خيوط الحلم ..

أحــــــــب الصبح بعـيونك وأعيد الليل في وســناك
واشـيل الهمّ من ليلك وأغــــيب بضــي قنديـــــــــلك
لمحــــتك نور مسّ شعور وهّــــاج الســـــنا برداك
وشـــعّ القلب بالتحنان وغاب الليل في لـــــــــــيلك
تــروح ولك ثمــــــان جروح وترجع ما بها لاماك
وتزهى بك حزين الدار وتنشــــــــد لك مواويــــــلك
لعــــلك ما نويت تروح ولا حــــــــنّ الجفى لخطاك
وتبقــى حــــيّ من هالحـــــــي ولا توقف مراسـيلك
مسـكت خــيوط من حلمي وعشت الحلم في رؤياك
نسجتـــــــــك طـــيف في بالي وطرزته بمنــــــديلك
تمنــيتك مثل مـــا انت وانت بخـــاطري ما احـــلاك
وقلت ارتـــــاح يا قــلبي ما دام الخـــــل يصغي لك
على ما مـر من مرك تـــمرمر من عــتب ليــــــلاك
وخذ مثلي بســاط الريح وســـــافر في مجـــاهيلك
يحلّ اليوم لي صمتي اذا صوت الهـــــــوى نـــاداك
نعم مرتــــــاح لوجــــــودك واذوق الويل من ويلك
تعــــــال وعش ســـــكون الريح ونادمني الم فرقاك
عن الليّ راح من عـمري وعن باقي شهـــــــاليلك
يمين الله مـــــا ادري ســــرى بي من هنـا لهنـــاك
وكنت انســــى وكنت اذكر وكنت اختار شوقـي لك
يجاوبني صدى في صمت تهادى واحترق لرضاك
وهز الجــوف طعم الخــوف وقلب الحب يدعي لك.