شعراء عنيزة - لاتعاتب المقفي على اقفايته عنك

لاتعاتب المقفي على اقفايته عنك
خله. على اقفايه. وبالامر. خيره

من صد خله. وانت. وش ناقصً منك
وان جاك قل يامرحبا دون. ذيره

لاناقص رزقك. ولاهو ب. لك بنك
ولاهو مسجل بالسجل تستشيره

وعدوك. اللي. به. شرف. لو. يلعنك
اخير. من رفقة. خسيس تديره

وخلك كما. حيدً اليا. ضاق يزبنك
وتفز. له. فزة كريم. ال قصيره

وصدتك عن بعض الحكى طيب معدنك
وبعض الاوادم. فيه. قلة. بصيره

الوقت. علمنا بيسره. وبالضنك
ولا تناجي. الا كود رب السريره

اللي على صكات. . الايام عاونك
هو العوين ولا. تزًّبن. لغيره