هذه مساجله بين سليمان بن شريم وصقر النصافي :
ابن شريم :
الا ياصقر ياصقر الندم يامرتخي الجنحان=علامك يوم مرتك الحباري ما تدمّيها
نطحني محمل الجرمن يحدّه مركب السلطان=عساكرها تراطن والمكاين سوّها فيها
عليهن من ملابيس الغوى من سوق بن رشدان=نفانيف على الموده صغيرات مطاويها
صقــــر :
انا مانيب مثلك ما تصيد الصيد ياسليمان =تبات بجوع والجنحان بالتكفيخ موذيها
اوقّع لين اشوف اللي بها الشحمان واللحمان=وابادرها بمخلاب مقرّه في ثناديها
توقّع لاتطير مع الهدوم وبرقة الزيلان=مجاهيم شعرها ما يغطي روس اذانيها
نفانيف على الموده كما ريش على عيدان=يغر بها الغشيم ومن خبرها ما يدانيها
محبكم
ابوسحر