[ابوسحر]

لك يوم يا حارم عيوني من النوم=نفسي اشوفك تسهر الليل "حسره"
ليت الهوى في داخلك يشتعل يوم=ليتك تحس الوقــــــت لو بس "مــره"
كافي تعيش أفراح واعيش بهموم=كفك بوسط المـــــــــاء وكفي بجمره
الحب ليمن طـــــاح وشلون بيقوم=ما كل مره تسلم من الكســـــر جره
كنت أحسبك من فرحت العمر محروم=لين أكتشفت أنك تعيش بمســـــره
كذبت قلت أنك على الوصـــل محكوم=أنت حياتـــــــك مثل مـــاتريد "حـره"
المشكله ..........كذبك يا سيدي يوم=المشكله وشلون اصدقك بكره...؟؟؟

محبكم
ابوسحر