[روح التميمي]

الرجلين

أَشُوف بَعْـضَ الناس هالوقت مِعْدين=لــو يِـعْـتِـرض دونه طَرف فَرْشِتِه هاب
رِجْـلـيــه مـن بـين الرِّكَب والكَراعين=لـو هَـــمِّـزُوه ابْـكِــل الاوْقَـات ماطاب
إن خَـفِّــتَ الأَوْجَــاع زِيـنٍ عـلـى زِيـن=والا مـــن الـمُـولَى مـفـاتيحَ الاسْبَاب
وِيـنَ اطْـلُــبَ الـخِـيرِه بَلَيَّا تَعَب وِيـن=أنـــا سِـبـَب رِجْــلــي ولاِنـيـب كَذَّاب
رِجْـلـي تـحَـسْب انِّي عَدِيت الثِّمانين=وانــا عــن الـشِّـيـبـان في رَاس مِرْقَاب
عِقْبَ الرِّضَــا والطِّيب منها تِعَاديـن=صارت تِحَاسِبْني على المَشْي بِحْسَاب
مـاطَــوَّقَ الـرُّكْـبِــه الى قِـمْت يُوذين=والــى قَـعَـدْت اْرتَاح شَدَّتْ بَالاعْصَاب
مَـلَّـــت مـنَ الـتِّـسْيار حِينٍ بَعَد حِين=لـــو طـِعْـتـَهـا ماتِرْتِفِع فُوقَ الاعْتَاب
قـالـــت كِفَايِه كَمْ لنا مَعْك ماشِين=لـــوعـنـدنـا كـِيـلـوُ رصَـدْنَاه بِكْتَاب
أَحْــسَـن لك انـِّك تِـنـْثِبِر يَالمْسِيكين=خِـــذْلـك عصَا وِالاَّ تِسَنَّد على الباب
كــان الـحقايـِق مـِزْعِلِه مابِقي شِين=أَرْجُـــوك لاتَقْدَح من الشعر مِشْهاب
قـلـت ابـْشِـري عـنـدي تـِمَامَ الموازين=ِلاَّ عـلـى شُــورِك فَـانـا مـنـه مِرْتَاب

13/4/1427هـ