[ابوسحر]

ياشين دارٍ خلت من حس اهاليها=المقبره مثلها ماهيب مفروقه
عقب الطرب والمسره في لياليها=اليوم كلٍّ رحل تبرى له احقوقه
دنيا عسى الله يعين اللي يصاليها=كم واحدٍ ذاق من غدره ومن بوقه
امغفَّل القلب من يامن يواليها=وهي كما عايبٍ سوقه على سوقه
كم واحدٍ يَحْسِبْ انه صار عاليها =واليوم حدر القدم منها وهي فوقه
ضحكاتها لازم ان الغيظ تاليها =حذراك منها الى زانت ومن عوقه
والى خذت منك شيٍّ كان حاليها=تشوفها في عيونك تقل مطبوقه
لو الذهب بالبحر والبر ماليها =مالدّت العين له والكبد محروقه
ياليت من خيرها تكفي بلاويها=والنفس دامه تعيش العمر مرزوقه
هذا وهي سايره في حكم واليها=لاشك مما بقلبي باح منطوقه

محبكم
ابوسحر