ارجيك صد ارموشك السود بالهون =باللي خَلَقْها مثل ريش النعامه
ارجيك باللي خابرٍ كل مكنون =لاتمتحن قلبٍ قضاله غرامه
اشوف بعيونك تعابير وافنون=سحر الهوى فيها جذبني كلامه
اصرف نظر عينك عن اللي يحبون =الموت بعيونك واريد السلامه
مافات يكفي من غرابيل واشجون=روحي قضا عمري وهي مستهامه
ياما لك اسهر والخلايق ينامون=وعيني على زرع الموده غمامه
اسقي بدمعي زرع الاشواق ممنون =والعين رجواها زهاه وتمامه
عين الشفوق اللي قضى العمر مغبون =لولاك ماراحت حياته ندامه
واصبَحْت بالرجوى على غير مضمون =غديت مثل امطاردين الجهامه
راح العمر عندك رجاء القلب مرهون= وعيَّا نهار الحب يجبلا ظلامه
وشلون يبرا جاير الحب وشلون =عزي لمن يلحا غرامه اعظامه
ماينمحي جرح الهوى لو يقولون =يبقى على قلب المولَّع علامه
واللي يَعَرْفون الموده يَعَذْرون=ماينلحق راع الهوى بالملامه
محبكم
ابوسحر