[ماجدونا]

يا تل قلبي على فرقا وليف الروح = تل الغصون الوريقه من نبانيبها
امسيت منها عليل وخاطري مجروح = والحال يلطف بها اللي عالمٍ غيبها
العين عيت تمل من السهر والنوح = مع هجعة الناس ما يدرى وش اللي بها
عليك ياللي تجي من صوبنا وتروح = تلعب بقلبي على هونك وتومي بها
بالهون مانتب على درب الخطا مسموح = عليك منا الحرج تصبح وتمسي بها
ما كل من هو يرايع للهوى مملوح = الزين مقبول والاجواد تدري بها
الزين لو شان لبسه والثياب شروح = من موق عينه اسهوم الموت يغضي بها
طفل ملك منزل باقصى الحشا مفتوح = من عام الاول وهو يقبل ويقفي بها
يا شمعة البيض شفني حاير ما روح = يا حالي اللي رداها مبعد طيبها
مثلي وراع الهوى يركض بلا مصلوح = يخيل برق نباته ما يفلي بها