كفى الله فراقك يابعد كل من حبيت=عسى الموت لي قبله وطيات الأكفاني
أناويش يبقى لي إلى ارخصتني واقفيت=ولا لي مرا د بعيشةٍ كله أحزاني
أشوفك وأنا مدري تقل يالغضي صديت=ونا ماخبر مني خطا ليش تجفاني
أنا اللي بلا منة عطيتك ولا خليت=والى شانت الدنيا على الطول تلقاني
نصوحٍ سموحٍ كل ما قلت لي لبّيت=أبادرك بالطاعة ولو تطلب أعياني
بربك وربي والسما والملا والبيت=فلا مثلك أحدٍ في زماني تولاني
أحبك من الله ما تخيرت يوم بليت=بلاني بك اللي يعلم السر وإعلاني
لو اطلب جلا حبك من الله إلى صليت=تجدد وزاد بخاطري يومي الثاني
تشوفه بعيني كلما رحت والاجيت=هماليل دمعٍ ساقته رفّة أجفاني
عساني بظني يا نظير العيون أخطيت=وقلبك معي لا زال مغلي ويهواني