[روح التميمي]

كيف ارتجي وانت الرجا فيك مقطـــوع = خل الرجا للي إلى اوحـــى يجيبه
يا ما ترجيــــتك بعبـــرات ودمــــوع = لين الرجا قلبي بدا يستعيـبه
ماينــفع الراجي رجــىً غير مسمـــوع = مع الهـوى يسري ولا يشـتفي به
يا هيه كان إنك ترى المـــوت مشـروع = للــي يــودك والـرجـــا ما يثـيــبه
عجّل مماتي درب الأمـــــوات متبــــوع = أريح لقلبي من طــويل إتْعذيــــبه
بالمــوت راحة خافقٍ منك مليـــوع = قاسى وعانى واحترق في لهيبه
وش تنتظر روحي معك منت ممنـــوع = وأنا من الدنيا كفاني مصيـــــــبه
كانك تبين أنساك وأنسى الهوى طوع = هيهات .. دوّر غير ذا ينحكـــــي به !
حبّك مع اعروق الحشــــا صار مزروع = بالطيب ما يجلى ولا بالغصيــــبه
ماهوب حبك من حشا الروح منــــزوع = لا والذي ما تعلم النــاس غيــــبه
ياخل يا للي لاجـــلك القلــب مفجـــــوع = لك خافقٍ يتبعك وش تنتوي به
رجوى رجيتك والعتب عنك مرفــــــوع = قل وش نهاية من تردى نصيـــبه