وهذه محاوره اخرى بين
شاعرنا صالح بن محمد العميم البقمي
و
شاعرنا سعود بن بجاد الكريزي البقمي
سعود
ياليتنا نبني الخيمـه بخـب النعـام=حتى نشوف الحياة بكـل مضمونهـا
ارضٍ طلع نبتها من عقب وبل الغمام=ياليت ربعـي وخلانـي يرودونهـا
صالح
الحمد لله ترانا وسط امان وسلام=واللي يبون الخيام البيض يبنونها
جهز ركايبك وارحل للحيا ياغلام=حتى تشوف الطبيعه ما يقولونها
سعود
والله ما امل لو اقعد ثلاثين عـام=في روضةٍ زيٌن الله للعرب لونها
واليا تبعت الحيا ما يلتحقني ملام=قدمي حصل سالفه وانتم تعرفونها
صالح
تمل لا صار ما فيها سمار وجهـام=واخاف جمرتك تحرق راس غليونها
انته تخيٌل علـومٍ مرتـك بالمنـام=ياباعثٍ سالفـة ليلـى ومجنونهـا
سعود
يمكن بخب النعام القى فروخ الحمام=واصيدها مثـل عربـانٍ يصيدونهـا
حلم الكريزي صدق ما عاد فيها كلام=أمسى يغني بها وانتـم تشيلونهـا
صالح
ياسعود ماهو على كيفك تخلٌ النظام=خل الحمامه تفلي عند مـا مونهـا
وان طعتني حج للكعبه وشد الحرام=وصل الفرايض مثل ناسٍ يصلونها
سعود
ان يسٌر الله لحط الخبز فـوق اليـدام=ياهونها عنـد رب البيـت ياهونهـا
ان كان خايف يد المسلم تنوش الحرام=اعطه من النعمه اللي جوف ما عونها