هذه المحاوره من الوزن الثقيل جمعت اثنين من شعراء قبيلة تميم وشعراء عنيزه التي تفتقد احد منهما وهو الشاعر عبد الرحمن بن عبد العزيز الشبل
الشبل
يامرحبا مرحبا ترحيبةٍ تمشي لقدام=اقولها في حضور اهل الوفاء واهل الكرامه
يا محمد اللي له المعنى يجي درهام درهام=بيني وبينك لك الله ماتجي تحت العلامه
إبن حسن
والله يحييك ياشاعر عدد ماتذرا الانسام=ترحيبة ماتحايد عن طواريق السلامه
سولف على ماتبي تبي اليمن والا تبا الشام=واكرب حزامك وخصمك مبطين كارب حزامه
الشبل
و تعيش ياشاعرٍ قد جابها قبل امس والعام=يستاهل التاج ماغيره جديرٍ بالزعامه
اشوف ياسر واشوف حسين يالصاحب وصدام=لكن مامن وراء ذيك الرخوم الا الرخامه
ابن حسن
انا اشهد انك مع اهل المعرفه عزام جزام= تاخذ وتعطي مع اهل العرف في حب وكرامه
عاداتنا نعطي الرجال حقه قدم الخصام=الله يجازي رجال الشرك في يوم القيامه
الشبل
انا خويك ليا دارت رحاها عج وعسام=يعدني وحدةٍ من هالمشوك في حزامه
عينك على مطير والا حرب ولا مع بني يام=والحر مثلك لك الله مايجي جوف الهدامه
ابن حسن
مانيب جاهل بكم بالطيب لك شاره ومرسام=والرجل عن فعلته يكفيني الليله كلامه
يابو عزيز ترى ديني مثلك دينك بالاسلام=والله مارمي عقالي لاجل اسوي لي عمامه