وهذه محاوره مع الشاعر ماجد بن مطر العظياني العتيبي
ابن حسن
مرحبا حياكم الله يامشاكيل الرجالي=عد ماتنشأ المزون وعد ماتنثر مطرها
بارك الله بالرجال اهل الوفا واهل الكمالي=جمعت روس الرجال اللي يفرحنا خبرها
ماجد
البقاء يا أهل الوفا والمرجله بأول وتالي=الرجال اهل الفعول وبالوطن ماحدن نكرها
بالنيابه عن رجالٍ ذكرهم عبر الليالي=جيت عاني للرجال وجيت طرقي في ديرها
ابن حسن
ياعربين العمام وياعربين الخوالي=النفوس اللي تعزك كيف سببتِ قهرها
والله اني عارفن وش مكسبي من راس مالي=وانت نفسك من نهاها وانت نفسك من ومرها
ماجد
عارفن بن اليمن موجود في صفر الدلالي=والديار الطيبه ماودي اقلع شجرها
خابرك تاجر ذهب وتطب يوم السوق غالي=والبحور الهوج نسبحها ونجمع من دررها
ابن حسن
كيف اوجهك الجنوب وتنتكس يم الشمالي=والعيون اللي تقص الدرب مايغضي بصرها
فيه مطعوم ٍ حرام وفيه مطعومِ حلالي=وانت رجالٍ مخير برها والا بحرها
ماجد
بس قصدي ودي اعلمك في علمٍ طرالي=كيف ماذكيتها يوم ان رمحك في نحرها
فالحرم يجوز حاجه فالحلال المر حالي=والمطايا يسفي السافي ولاشفنا جررها
ابن حسن
مايوقف قدم عنتر غير ابو زيد الهلالي=آه ياكثر العيون اللي تشكى من سهرها
يحترم صاحب سمو ويحترم صاحب معالي=والشياطين الكثيره كل مخلوق ٍ دحرها
ماجد
المطيه مالها غير الرسن والا العقالي=يامحمد روحت وانا شدادي في ظهرها
كلمتن بالعقل يادكتور مافيها جدالي=عالج الامراضِ والا خلها وانا اختبرها
ابن حسن
المطيه لو عقلته قيل لك ياهمالالي=فيه منها مايسد النفس والناس تخبرها
* * * * *
وهذا لعب آخر بينهما
ماجد
ياوجودي وجودي ياوجودي وجود=يا مهنا وغزوة فارس بمعركه
يامجمد مادام انك هنا بالوجود=الله انه يعز الشعب والمملكه
ابن حسن
انت وش بك توجد وانت توك قعود=وانت ذاتك وحلمك قادرن تدركه
مملكتنا عزيزه تحت حكم السعود=مير حلمك وعلمك انتبه تفركه
ماجد
اتوجد على اللي فالرجال معدود=مير في ديرة الاجواد شبه احركه
يامحمد لك الله ماتبيح السدود=مير ما فالبحور الهوج غير سمكه
ابن حسن
ابرقي ياسحابه وارزمي بالرعود=والحيا كان شفته جعل فيه ابركه
كل ما قلت تنقص بالفعايل تزود=قلعت اللي تعرض نفسها المهلكه
ماجد
عندكم ضلع لكن في دروبه قرود=حط بأسفله حبل وفي علو شركه