[ابن الخطيب]

احبس دموعي .. لو عيوني صادقين=واكتب قصيدي لو قصيدي بانحدار
ما همّني .. والنفس .. تبغى حاجتين=قمّة رضاه .. ومن بعدها .. الاعتذار
خليتني .. ما بين .. شكّي .. واليقين=خلّيت قلبي .. عايشٍ .. في انكسار
تعرف غلاتك من عقب ذيك السنين=من كبرها .. اتجاوزت .. حد المدار
مقدار حبّي .. ما اظن .. انّه يبين=تتكاثر .. اجزاء المحبة .. بانشطار
في داخل القلب .. المعنّى .. كاتبين=اسمي واسمك .. من يمين .. ومن يسار
واليوم .. تترك خافق ..القلب الحزين=في صدر عاشقك .. ومن دون اعتبار
ليه الغلا .. ما يكشف .. الاّ بالونين=وقمّة شعوري .. تعرفينه .. بانفجار
كل ثانية .. تنزل بصدري .. دمعتين=من كثر دمعي صار في صدري خضار
العذر منّك .. والعن .. ابليس اللعين=واترك .. شياطين البشر وسط الغبار
قرّرت .. قبل الموت .. ارسم بسمتين=خوفي أموت .. ولا لحقني .. النهار
كلمة أحبّك .. كاتبه .. فوق الجبين=كلمة احبّك .. تغني عن كل الحوار