[روح التميمي]

تستلذ اتعذيبك ..!

الموت لاراح العمر وانــــــت مجروح = ماغير ترجي والرجا مـــا يثيبــك
لاشفت لك يوم ٍ من الوقـــــت مملــوح = يجيك من باكر زمــــان ٍ يشيبــــــك
ماظنـّتي واللــه من العمــــر مصلوح = لاصار هذا في حياتـــك نصيبـــــــك
دنيا ً تقلـّب كنــّــه المـــوج واللـــــوح = عــيده شقـــاك وتستـلــذ اتعذيبـــــك
خلـّـيتها لك وانــت مرخـَص ومسـموح = اتبع هوى نفســك و ربــي حسيبــك
لاصار باب الود ماهــــوب مفتـــــوح = من لاتبي شوفه بعـــد وش يبي بـك
مابي معك حظـّي على الطول مطروح = كنّي ونا اللي مخلص ٍلك حريبــــــك
شوف المجامل لو تحلويت مفضــــوح = مابيك لين انــه شعــورك يجيبــــــك
والا ّ قضينا مثل مـــا تـقضي الــروح = مالي بجيبـــي وانت ما لك بجيبــــك

ابوأحمد _ محمد العبد العزيز العبيدالله _ عنيزة

28/11/1428هـ