[روح التميمي]

[align=center]

إن قيل مين أحسن قبيلة .. قلنا تميم=ما بالقبايل مثل شكله يالآدمي
وإن قالوا احلف! قلت بسم الله العظيم=في شاعر المليون من غير الشبرمي؟
هذا ولد عمي كريمِ .. تِرثَةْ كريم=ما له سِمي مهما تدوّر .. ما له سمي



* * *

وهذه أبيات طريفة قالها تعليقا على اعتزال اللاعب الدولي سامي الجابر
وقالها من باب الممازحة , وإلا فأبوعبدالله بعيد عن مجال الكرة والرياضة


يا سامي الجابر لويش اعتزالك=الناس من مبطي وهم عازلينك
الله يحفظك لأجل ترعى عيالك=وإلا الملاعب وينها وأنت وينك
ما هوب هذا ياسويمي مجالك=لكن على دنياك ربي يعينك!

* * *

لا شفت ناسٍ يشربون المراعي=واللي مثيله قلت يحّول يحّول
ما عندهم مثلي طليق الذراعي=يجلب لبن (عيران) يمي بلا قول
إن قلت شكرا قال ما فيه داعي=وإن قلت حقه قال ماهوب مقبول
الله يحقق له جميع المساعي=ويوفقه فيما يريده على طول

ولبن (عيران) لبن معروف في الكويت .. يستاهلون هالدعاية المجانية !


* * *



اطلع من الساعة موجّه على الشرق=وابتل لما تاصل لأول إشاره
ناظر يسارك وأنت تدري وش الفرق=مدري متى تقضي هذيك العماره!

* * *

وهذه بعض الأبيات والحورنيات السياسية القديمة .. قال أبوعبدالله :


صدام وش ضرّك لو إنك تنحّيت=وجنّبت شعبك عن كثير البلاوي
بعذرهم كنت بنظرهم ذرا البيت=ما عندهم علمٍ بما كنت ناوي
هم يحسبونك عالي القدر والصيت=بالمعركة منتب من اللي تراوي
نكّلت فيهم لين فيهم تماديت=الشخص عندك والحمار متساوي
قالوا لك اطلع مع عيالك وعييت=تبي تحداهم ولا أنتا بقاوي
لما إنها جت لك مريكا وهجيت=واصبحت عند الناس مثل الضراوي


* * *


راح العراق وراح قبله فلسطين= الغرب منا والمريكان منا
من عام ألف وتسعميّة وخمسين=وعريبيا ما غير حنا وحنا

* * *


لو فكّنا الله من عرفات وحسين=وحافظ ولا يهون حسني مبارك
كان السلام محقّقينه من سنين=كل العرب لأجل العروبة تبارك
مير الثلاثة من كداش البعارين=لو ثار عند الغرب تلقاه بارك

* * *


اطلع من الساعة موجّه على الشرق=وابتل لما تاصل لأول إشاره
ناظر يسارك وأنت تدري وش الفرق=مدري متى تقضي هذيك العماره



* * *