[سليمان الخطيب]

الشاعر علي البراهيم القري

قصيدة بمناسبة زيارة الملك سعود إلى عنيزة بعد تسلمه سدة الحكم

هلا بالحاكم اللي شوفته ريف على المحكوم=ولو ما ودي أرهف قلت يحيي الدمدم البالي
غمرنا الانس بزيارتك ديرتنا وصار اليوم=لنا عيد نورخ به ونضرب فيه الأمثال
وحنا من جنودك مثل ما كنا مع المرحوم=على عهد الوفا والتضحية بالنفس والمال
كما إن العدل والإحسان طبع للسعود عموم=اللي ملكهم الله صار الأول قدوة الثاني
عساكم للعرب وأرض العرب تبقون يوم ويوم=تراكم فوق هامة الجزيرة تاجها الغالي

وهذه قصيدة فيها أمنية يتمناها وفق خيال الشاعر

الا يا الله انا طالبك يا رب الزمانين=ترد الماء على هاك المناقع والمجاري
لما ترجع على خبري منول ساحة امين=بها اشكال النوامي والحباري والخباري
ربيع للقلوب اللي تهيم بكل شين زين=تعشق الروضة الخضرا وتغرم بالصحاري
أريد أخذ بها سجة بلا دنيا ولا دين=أحلق بالمحبة فوق جنحان الطوارى
تراي من الجفأ والبعد قاسيت الأمرين=وتعبت من الريا والكذب والسمت

الجباري


وهذه القصيدة بعث بها لأحد أصدقاء والده من باب المداعبة

يا ابو علي ولا يهون إبن سرحان=الله لا يخلين من ها السمامه
فضل من إحسانك تبلغ كحيلان=الى وصلتوهم بخير وسلامه
تحية مني على قدر الأمكان=يسوقها الخاطر تحب وكرامه
وإن جاء مجال وبحث كاين ما كان=فقولوا ترى كلش يسوده نظامه
الا فقط علي البراهيم مشتان=الله يسدد رميته في مرامه
الجادل اللي كان للزين فرسان=فتراه ابو زيد الهلالي سلامه
اللي هدب عينه تقل ريش غربان=يحط بين الكلمتين ابتسامه

وهذه ابيات

سلام يا اللي هواي مقابله واحب طاريه=لو كان هو عن سلام اللي يحبونه غناوي
لا شك ودي بمعروفه عن اللي فات أجازيه=اسقان ذبل فيها شفا جرح الهواوي
إن كان سيدي على خبري فأنا ما نيب ناسيه=وإن كان هو كابر رأسه فهو بالفين هاوي