وله في الحكمة
أما أنت لو تمشي على الجل صعلوك=أطيب من اللي تلتجي لـه ويجفـاك
خدمتك شيخٍ كنـك العبـد مبـروك=يامرك فيهـا يشتهـي ثـم ينهـاك
وترى الملوك اليا صفولك وحبـوك=أصغر خدمهم ينتقـم لـك وينفـاك
واليا جفوك أهل الوظيفة وعافـوك=خفـت موازينـك وكلـن تهقـواك
كنك سراجٍ بأوسط الحوش شبـوك=واليا أنقضا اللازم حد الربع طفـاك
وإلاّ كما ليمونة الحمـض مصـوك=واليا فرغ منها الطعم طوحـوا ذاك