[روح التميمي]

بمناسبة ترك زميلنا العزيز lacoste
للرقابة على المجلس المفتوح في مجلس عنيزة

لاكوست يا حرٍّ على الجو حوام=أنا أشهد إنك يا السنافي سنافي
بالمجلس المفتوح غيّرت الأفهام=ونشرت جوٍّ بين الأحباب دافي
شجعت رواد المجالس والأقلام=ونشاطك المحمود ما هوب خافي
وأخلاقك العليا تحطك على الهام=شهم ونبيل وفوقهن حيل وافي
حزت احترام الناس يا زبن الأقوام=والكل يرفع لك لبوس الكوافي
كملت بالمفتوح يا صاحبي عام=والمجلس المفتوح صعب المرافي
وذللت صعبه لين بالمختصر قام=خليت عكره يا أبيض الوجه صافي
والحين خليته عقب صار قدام=وأخاف اِتْحوّل عهدته للمطافي
وماهو قصور بنقوة الطيب صدام=هب النسيم اللي به الطيب ضافي
يومي دريت بتركتك خاطري غام=ليتك تشوف اللي جرى بالخوافي
أمسيت ضايق مستهينٍ ومنضام=مير الله أقوى يا زمان الجفافي
مشكور يا لاكوست من قاعة الرام=تاصل جنابك مع هبوب السوافي
الله يعزك يا الشقردي ومادام=حسّك بهالمجلس يلعلع اف كافي
واختامها مني تحيات الإسلام=اعداد من حج ودعا بالمطافي