قم يا رفيقي واركب اللي على الكيف
موتر سعودي من نظر لـه يشوقه
ما قبلك أحدٍ لـه تعرض ولا حيف
أوراق جمرك في قزازه حقوقه
موتر جديدٍ حايزٍ للتواصيف
ألفين وأربع يطرب اللي يسوقه
أبيك تاصل من لـه اشهور ما شيف
اللي عليه القلب زايد خفوقه
وصل سلامي لـه وقل لـه من الصيف
و العلم عنكم بس أخايل بروقه
وقل لـه ترى يوسف يهل الذواريف
جار الزمن وفراق و زداد شوقه
و أبيك يا محمد وأسرع من الطيف
تريح عيونٍ عليه محروقه
حتى إن حصل لك يا السنافي مظاريف
فالظرف هاته وكل شخصٍ وذوقه
عسى مظاريفك تزيل الصواديف
وأنهي عذاب النفس ويزول عوقه