سقاك الغيث يادارٍ حماك الخالق المعبود
من الإرهاب وأعوانه وكيد إبليس وجنوده
ترى الإرهاب شر ومن قديم الوقت هو موجود
دعاته دايمٍ حطابةٍ للنار موجوده
نبي نقطع عناقيده وحتى آخر العنقود
شراذم ضاله و تتبع طريق إبليس مقروده
دواه السيف والبارود وحكم ملوكنا آل سعود
حكومتنا الرشيده مع طريق الحق محموده
خلفنا من سلفنا فهود ولو مات العدو ملهود
حماة الدين عزٍ للوطن والشعب مشهوده
وعسكرنا البواسل يقمعون الكايده بالكود
تناخوا في سبيل الله وكلٍ جاب مجهوده
وحنا ما نعيل ويحسبنا اللي جهلنا رقود
إلينه طاح بأسرع وقت وكنه وسط برموده
شواهد شعبنا الفاضل إلى جا علمهم مردود
يهدون الصعاب ويحتمون الدين وحدوده
وإلى منه تخلف عنهم الخايب وهو مجحود
غواه إبليس ودلى ينخر بقلبه كما الدوده
نشده بالعمود ونعمي عيونه براس العود
وماواه الجحيم وترعته بالكون مسدوده