[الحر المقيد]

اسأل ثرى بغداد عن القادم الآت
وجاوب خصيب الشام برجع السؤالي
هم عاشقين الصبر بخطو الرحيلات
بأقدامهم تلقى أثار الرمالي
ما شفتهم إلا خيال المخيلات
تحنّ للرمضى وصخر الجبالي
تشهد ملامحهم سمار نحيلات
وجباههم شمّا بذكر المعالي
مروا صحاري نجد صعاب المحيلات
وشالوا من الشيلات عطور الشمالي
ما همهم بالأرض ورود الجميلات
ولا رهيف وشاح و ترفٍ وغالي
وأشعارهم ثكلى بطيب المثيلات
وأرواحهم تسمى لعذب المثالي
ما كنهم إلا صعاب السهيلات
وقرب طاريهم خِفاف ثقالي
وبعضهم يحفى بعسر الطويلات
وبعضهم من جوع يشد الحبالي
لكن أياديهم رفيقات جزلات
ما يرتضون الضيم بإبن الحلالي
راحوا وذكراهم هطول المسيلات
من مزنهم تروى بماء الزلالي.
أحنّ يا بريده لسجع النبيلات
واللي لهن بالقلب رفيف الخيالي
وأذكر بيوت الطين وستر الجليلات
ولا نسيت أبوي وعمي وخالي ..!
والله ما أجفى ديار العقيلات
ولا أهاجر عن دروب الظلالي
وهم عقال الدين وعدل المميلات
وهم صهيل الخيل وعزم الرجالي.