خل التــغــلي

[ابوسحر]

ويلاه يابو العيون السود =ويلاه والفين عزّالي
خل التغلّي وخل الزود=وش غيّر اللي مضى تالي
اشوف منك الجفاء واصدود=منتب على اوَّلْكْ يالغالي
هجرتني ماحصل مقصود=والموت من هجرك اشوالي
ضيَّعْت عهد الهوى واعهود=ونا على العهد مازالي
ماخنت عهدك واحبك زود==مع مر الايام تحلالي
ياليت عنك الصبر ماجود=اشريه واسلم على حالي
مادام جازيتني بجحود =الواجب انساك مابالي
لكن باب العزاء مسدود=مهوب عنك ايتهيّالي
ابكي الى غبت انا ملهود=واضحك الى شفتك اقبالي
راع الهوى ماعَنٍهْ منشود=تدري ويدرون عذاّلي
جرحي بحبّك عليه اشهود=ماهوب في نظم الامثالي
انا اشهد اني معك مفقود=وانك من الناس قتّالي

محبكم
ابوسحر