أمل يائس

[ياسر التميمي]

أمل يائس

عندي بقايا جرحك الي تركتـيه = للحين جرحك وسط الاعماق باقي
باقي بقلبٍ ياعذابي جرحتــيه = قلــــبٍ يغني للألم واشتياقي
قلب عشانك باع ربعه واهالـيه = قلـبٍ من اسبابك مع الحب شاقي
شقيت من حبٍ بلتني بلاويــه = حــبٍ مشيته وانكسر فيه ساقي
صار الامل يأسي وبانت مواريه = من هالزمن ماادري انا ويش الاقي
الا الشقا وجروح قلبٍ ذبحتـيه = قلـــب رجى ذاك الأمل والتلاقي
خوذي بقايا جرحك اللي تركتيه = وانســي غرامٍ وسط الأعماق باقي