دخيلك يالعيون السود

[ماجدونا]

دخيلك يالعيون السود عن ذبح بلا تمهيل = دخيلك يالعيون الساحره عن علةٍ ما قواه
دخيلك لا تخلين العدال وتنحرين الميل = دخيلك عن سهوم ما يعرفون العرب لدواه
دخيلك لا تجرّين الهوى من صوبنا بالحيل = دخيلك لا تعوقين المريض وتكشفين غطاه
الا يا من عين كل ما يقبل سمار الليل = يجيه اللي يعوده والهوى عن لذته ينحاه
الا واشيب عيني يوم لاحت لي نجوم سهيل = على دور الفراق ولو سهيت بخاطري ما نساه
الا يالله ياللي تمنع العسرات بالتسهيل = تفرج عن ضمير كل ما شان الدهر لاقاه
رمتني بالهوى سود المحاجر يا قوي الحيل = نياشين الهوى بين الحجاج وقذلته وشفاه
علي البارحه من سوها غارات جيش وخيل = يجرن المدافع والمكاين ويل من تاطاه
زريف الطول لا تذبح بنجل ما هواه الميل = الى دار السواد ولجلجت بي قلت واويلاه