أشغلتني

[بواقي جرح]

راقبتني واشغلتني
وفي دروبي لاحقتني

وفي خطاها اتبعتني
تنتظر مني كلام

ابتعدت وكلمتني
في طريقي وحرجتني

وبحكيها حيرتني
تنتظر مني كلام

التفت وما حكيت
وقفت وأنا مشيت

وأنا عنها ما دريت
تنتظر مني كلام

قالت اصبر يا فتى
كثر صدك لامتى

وأنت ساكت لامتى
تنتظر مني كلام

أجبرتني بالكلام
وما علي مثلي ملام

يوم رديت السلام
تنتظر مني كلام

شفت بعيونه جمال
قلت ما غرن دلال

ترتجي مني وصال
وترتجي مني كلام

علقتني في هواه
بعد ما قلبي بغاه

يوم همت بالعباة
تنتظر مني كلام

لكن أقفت قبل أقول
وطول ليلي زاد طول

و تركتني في ذهول
قبل أعبر بالكلام

ويش أسوي وين أروح
جدد بقلبي جروح

خايفٍ روحي تروح
لا سلام ولا كلام