اللي يبين . اشيله بْمَحْجِر العيـن

[حمد البادي]

اللي يبين . اشيله بْمَحْجِر العيـن=واللي يبي فرقاي . فرقا عيونـه
لوإن له في وسط قلبي بساتيـن=إمْخَضّره من كل شكل ونمونـه
مادامني مِتْعِبْك ! فرقاي عيديـن=خلّ التعب لاصحابه اللي يبونـه
ماني ولد هيسٍ على الذّل رآبين=بارد اصطوغ امكسّراتٍ اجفونه
آطى على كبدي واقصّ الشرايين=ولا اتحمّل ساعـةٍ مـن مهونـه
ألْيَنْ من الديباج في كفّ مِغْلِيِـن=واقسى من الفولاذ وقت الرعونه
واللي يشوف إرْويحَتِه تقل شارين=عِند أتفه الأسباب تَكْشر سنونـه
إن كان غرّه بسطت الوجه واللين=فل يعلم إن للوجه الآخر خشونه
يكفي . ترى ماعاد به شي يغرين=أغضّ طرفي واتحمّـل جنونـه
ماعشت بالدنيا عْلاقَـة بعاريـن=على جنوب الْخِرْج تومي ردونه
هذي رساله كان تسمع . وتوحين=مشفّره تشفيـر حـزم ومرونـه
كانك على خبري فهيمة فهيميـن=مابين ذعذاع الهبـوب وسكونـه