الله عليهـا يـوم تمشـي وتختـال = ماكنهـا إلا بالـف ليـلـه وليـلـه
تمشي تحط امثـال وتبـدل امثـال = وتعيـد ترتيـب الزمـن والجميلـه
يدها على يدها ونوبً علـى الشـال = من خوف لايصقط ويظهـر جديلـه
يوم اقبلت كن القمر ضايـعً ضـال = خل الفضا واصبـح يـدوّر دليلـه
اميره اميـره وانـا اقـول مايقـال = الـنـاس تشـهـد والاوادم كفيـلـه
يمثـل الزينيـن ويقـود الاجـيـال = ومواصفاتـه فالبـشـر مستحيـلـه
يمشي شوي شوي ومطـوّل البـال = وزودً علـى ذلـك طويلـه طويلـه
عينه تعزّ رجـال وتطمّـن رجـال = وياسعد من صارت بحظـه حليلـه
اليا نظر كنّك علـى جبهـة قتـال = والله واكبـر يالرمـوش الظليـلـه
واليا ارتبك في نظرتـه خايـفً ذال = مووت بعيونـه وامـووت بسبيلـه
واليا التفت فرحان يوم الخطـر زال = بضـرب تحيـه للعيـون الكحيلـه
وإن سلهمت بعيونها .. كيف الاحوال = ضاعت علومي والمواقـف جليلـه
عيونهـا تجـرح وتشفـي وتغتـال = وفـي حقهـا كـل القصايـد قليلـه
والمبسم المبسم غدا نجـوم وهـلال = النجـم يكشـف والهـلال يعديـلـه
والياضحك تنبت على الارض الامال = واليازعـل تغـزي قبيلـه قبيـلـه
وفي بسمته يقهر ويسعـد ويحتـال =والياانتقـم يضحـك ويبـرد غليلـه
وبالراي والحكمة لها قـول وافعـال = واللـي محببنـي ثقيـلـه ثقيـلـه
ماهزها التاريخ يوم الزمـن عـال = لا زال يعطـي والنصايـح جزيلـه
في حضرته عشنا سواليف الابطـال =عز الزمان ويـوم وقـت الاصيلـه
طيفه يلاحقنـي مسافـات واميـال = وذكراه تلعب فـي لعـب الكحيلـه
واليوم ابا اكتبهـا واوثـق للأجيـال = فـي ذمتـي ماجـا ولاجـا بجيلـه
العرض الشجري