قصيدتين لابن دويرج

[ماجدونا]

يا راسي اللي شاب من قبل حينه = مما جرا لي والخلايق مريحين
يا قلبي اللي حنّ واطول حنينه = حنّة مفاريد واهلهن محيلين
سمعت لي علم حدث بادعينه = صنعة حراميّة ولاية شياطين
اللي يشيلون القرين وقرينه = ربيعهم شوف الثنين متشاكين
يا بنت وان كان العذر تقبلينه = عذر سمين ان كان قلبك على دين
واللي بنى بيت النبي بالمدينه = ما قلت فيكم ما يخفض الموازين
والا فدرب الشين لا تذخرينه = وحنا لمن له عندنا دين مصخين
واقصى مداك فهيد تاتخبّرينه = والى عطاني كلمةٍ قلت له عشرين

***

سريت يوم انحى القمر بتهويفه = يوم ان كل في لذيذ الكرى بات
سرحت ابي لاخوان ميثا طريفه = ولا صدت غير غراب واربع قطاوات
اطلقت مسماكي وجاله وحيفه = ودلاّ غراب الجول يرمي بالاصوات
المس غراب الجوال واثره هديفه = طارٍ علي آكل ثناديه نيّات
يالله يا متلف عليه الخليفه = تعوضني باقبال في فايت فات