يا متعب الهوجاس

[بواقي جرح]

يا متعب الهاجوس في كل طاروق
مره تغيب أيام ومرّة تجيني

كان أنت يمّي جيتني بدافع الشوق
قابلتك بشوق الوله والحنيني

ما حيّر أفكاري مع الناس مخلوق
إلاّ أنت يا مسهر مع الوقت عيني

يطرد سرابك ضاميٍ حدّه العوق
ضيّعت في رجواك باقي سنيني

إلى متى نومي من العين مسروق
وإلى متى والجرح حيٍ وفيني

في غيبتك شفت بسما وصلك بروق
و اقفى سحابك بالمطر من يديني

إن ما حصل ترحم شقاء قلب محروق
قل للفرح يا وين دربك وويني

وأنت ابتعد يا خاين الحب برفوق
ما دام ما به ود بينك وبيني