سرى الليل

[ماجدونا]

سرى الليل والمشغول ما طاب له مسراه = الا يا عيوني تالي الليل سهرانه
أودعك ياليل سرى بالفرح ما حلاه = ربيع القلوب اللي من العام ولهانه
أودعك ياليل سرى ينعشن طرياه = سرى والمولع بالهوى ما انقضى شانه
الى قلت أبسلي عن هوى خاطري وانساه = عرض لي مسلي والهوى غاب شيطانه
انا كيف ابسلى عن هوى اللي يجر خطاه = غزال تدريق بالهوى تقل سكرانه
الى اقبل يهيف بمشية الويل واعزاه = عذاب القلوب اللي من الولف ظميانه
ولا قل رمشه ثم رد الهدب واضفاه = اقول الحياة اللي بقت ما لها خانه
الا يا غزال تل قلبي معه واغداه = رعى بالفياض اللي من الوسم مليانه
تجزل بها اللي كل ما يشتهي سواه = كمل بالجمال وسيد الزين سلطانه
شقى خاطري يوم الشقا مدني فرقاه = على طفلة من مشرع الزين رويانه
الا واوجودي وجد من ضامته دنياه = رمته السهوم وطيرت ريش جنحانه
على خشف ريم بالخلا فزّ من مرباه = يرود القصيبي بين طلحه وغيرانه